Amlosgfa Llwydcoed

Dyma laswelltir llawn blodau gwyllt ar safle Amlosgfa Llwydcoed. Yn aml mae gan fynwentydd amodau gwych i rai fflora a ffyngau ffynnu, ac o ganlyniad i newidiadau i'r arferion torri gwair diweddar, rydyn ni'n disgwyl gweld cynnydd yn lefelau bioamrywiaeth y safle yma.

Meadow Thistle | © Sue Westwood

Cynefin

Mae'r dirwedd brydferth o amgylch yr amlosgfa yn bwysig ar lefel ryngwladol oherwydd ei chorsydd a phresenoldeb glöyn prin britheg y gors. Dyma fioamrywiaeth de Cymru ar ei gorau, felly cymerwch saib i fwynhau'r cynefin prin yma.

Rydyn ni'n sicrhau bod blodau gwyllt yn parhau i dyfu yma trwy roi dulliau rheoli tir newydd ar waith. Dydyn ni ddim yn torri pob darn o wair, fel bod modd i flodau gwyllt dyfu a hadu cyn i ni dorri'r glaswellt a’i gasglu yn yr hydref.

Pryd i Ymweld

Dewch yn gyson drwy'r gwanwyn a'r haf i weld sut mae'r blodau'n newid gyda threigl y tymhorau. Mwynhewch flodau pinc melog y cwˆ n a gwialen
y gwˆr ifanc, melyn tresgl y moch, gwyn briwydd y gors a phorffor ysgall y ddôl a thegeirian cors y de. Yn yr haf mae'n drwch o flodau glas a phorffor tamaid y cythraul.

Bioamrywiaeth

Mae'r cynefinoedd yma sy'n llawn blodau yn wych ar gyfer pryfed peillio, gan gynnwys glöynnod britheg y gors a britheg berlog, pryfed hofran melyn a gwenyn llus. Mae gwenoliaid yn treulio diwrnodau hir o haf ymysg y blodau yn dal pryfed ac mae ystlumod pedol lleiaf yn ymweld yn ystod y nos.