Craig yr Hesg

Mae coetir hynafol godidog, brigiadau creigiog, a sborion glo Craig yr Hesg yn edrych dros Bontypridd, ac mae’n lle delfrydol i wrando ar gorws o delorion y coed, telorion yr helyg a siff-siaffod.

Wood Warbler | © Tate Lloyd

Cynefin

Mae Craig yr Hesg ger Pontypridd yn goetir hynafol prydferth gyda mosaig cyfoethog o gynefinoedd. Yma
byddwch chi'n dod o hyd i goetir derw sych, coed gwern, sborion glo a brigiadau creigiog. Mae'r cynefinoedd amrywiol yng Nghraig yr Hesg yn
cynnal amrywiaeth o Bioamrywiaeth.

Pryd i Ymweld

Ymwelwch â'r ardal yn y gwanwyn i glywed corws y wawr a gweld y blodau gwyllt cyn bo cysgod y canopi'n dychwelyd. Gwyliwch wenynbryfed yn bwydo ar baill a gwrandewch ar gân telorion y coed - aderyn sy'n byw mewn coetiroedd derw Cymreig. Yn yr haf, mae glöynnod brych y coed yn ymlacio yn yr haul ac mae'r grug yn blodeuo dros y domen lo. Yr hydref yw'r amser gorau i weld ffwng, ac yn y gaeaf mae cyffylog yn bwyta'r anifeiliaid di-asgwrn-cefn ac yn archwilio'r pridd gyda'u pigau hirion.

Bioamrywiaeth

Mwynhewch arddangosfa o flodau gwyllt yn cynnwys suran y coed, esgidiau a sanau y gog, clychau'r gog ac aurddynadlen. Yn y coed gwlyb ceisiwch ddod o hyd i ddail melyn a gwyrdd yr eglyn a rhisgl brith y brauwydd, sef bwyd glöynnod melyn y rhafnwydd. Cadwch lygad ar y canopi sy'n gartref i fwncathod, cigfrain a thri math o delor dail: siff-siaffod, telor y coed a thelor yr helyg.