Glyncornel

Mae coetir a dolydd llawn blodau Glyncornel wedi goroesi newidiadau enfawr ac mae ôl hanes gyfoethog yr ardal dal i'w weld yno hyd heddiw.

Mae'r ardal wedi esblygu o goetir fferm ar ochr y bryn mewn i ardd ar gyfer rheolwyr glofa y Cwmni Cyfunol Glo'r Cambrian, felly cadwch lygad am y platfformau bach yn llawn coed cyll a gafodd eu defnyddio i gynhyrchu siarcol. Yn fwy diweddar mae Glyncornel wedi bod yn gartref i ysbyty mamolaeth a chanolfan amgylchedd.

Bwncath | © Tate Lloyd

Cynefinoedd

Cafodd y coetir hynafol ei enwebu yn Safle o Ddiddordeb Gwyddonol Neilltuol. Mae yno ddolydd prydferth, pwll dwˆr a nant sy'n llifo i'r afon Rhondda. Daw'r holl elfennau yma ynghyd i greu mosäig o gynefinoedd sy'n cefnogi'r ystod eang o rywogaethau sy'n ymgartrefi yng Nglyncornel.

Pryd i Ymweld

Mae blodau'n tyfu'n hwyr yng Nglyncornel - mae clychau'r gog yn dal i dyfu yno ar ôl iddyn nhw flodeuo ym mhobman arall. Dewch pan mae hi'n bwrw glaw a throchwch yn y dirwedd hudolus o fwsog lluosog a brigdwf cymhleth.

Bioamrywiaeth

Mae gweirgloddau sur, llaith a rhyfeddol o'ch blaen. Yma gallwch chi ddod o hyd i dresgl y moch, clychau'r gog, bidoglys, tegeirian smotiog cyffredin, glöynnod copor bach a glöynnod bach y waun. Trwy 'dorri a chasglu' gwair tuag at ddiwedd yr haf, rydyn ni'n rheoli'r rhedyn ac yn annog blodau gwyllt i dyfu. Mae'r gweirgloddau wedi'u rhannu gan linellau o goed sy'n rhan o'r brif goetir, ac felly mae byd natur yn cyrraedd pob rhan o'r warchodfa natur.