Coed Tarren y Bwllfa

Coetir gwern gwlyb bendigedig ar ymyl gorllewinol Parc Gwledig Cwm Dâr, lle byddwch chi'n gweld golygfeydd godidog o un o ddyffrynnoedd rhewlifol mwyaf deheuol y DU.

Hebog Tramor - © Wayne Withers

Cynefin

Ar ochr orllewinol Parc Gwledig Cwm Dâr mae'r coetir glwyb a gwych yma. Ewch ar hyd yr afon Dâr a chyrraedd y coetir i weld y golygfeydd anhygoel o ddyffryn rhewlifol Tarren y Bwllfa, un o'r dyffrynnoedd rhewlifol mwyaf deheuol ym Mhrydain.

Pryd i Ymweld

Dewch â'ch ysbieinddrych ar ddechrau'r flwyddyn i wylio'r cigfrain a'r hebogiaid tramor yn nythu. Yn y gwanwyn mae cyfoeth o flodau gwyllt a chân yr adar i'w chlywed, ac mae'r haf yn dawel ac yn gysgodol. Yn yr hydref mae ffwng coetir ac yn y gaeaf mae pilaod gwyrddion a llinosiaid pengoch yn bwydo'n uchel yn y coed gwern. Mae'r coetir yn dod yn fyw yn y gwanwyn gyda lliw fioled cenau cyll y coed gwern.

Bioamrywiaeth

Mwynhewch y rhedyn a'r boncyff coed yn llawn mwsog a chen. Gwrandewch ar yr adar yn bwydo yn y coed. Cadwch lygad am ddringwyr y coed, titwˆod penddu, tingochiaid a titwod yr helyg prin. Ymysg y coed gwern mae hen goed afalau surion. Mwynhewch swn yr afon Dâr, lle mae gwreiddiau'r coed gwern yn rhoi cysgod i'r dyfrgwn.